मासिक बैसार- सेपटेम्बर (दिनांक २७/०९/१५) केर रीपोर्ट

दिनांक-२७/०९/२०१५

• समितिक सत्र २०१५-१६ केर द्वितीय मासिक बॅसार भेल सम्पन्न।
• क्षेत्रिय भ्रमण आ सदस्यता अभियान लेल निर्माण भेल विशेष दल।

विगत २७/०९/२०१५, रविदिन सांझ ६ बजे सँ ८ बजे धरि समितिक मासिक बॅसार राखल गेल छल। इ बॅसार जे एक मास पुर्वहिं सँ सब गोटे के सुचित कएल गेल छल। जेना की पहिने सँ सुचित छल जे बॅसार अपन निर्धारित समय सीमा में बान्हल रहत ठीक ताहि अनुरुपे बॅसार अपन निर्धारित समय पर आरंभ आ अपन निर्धारित समय ठीक ८ः०० बजे समापनक घोषणा भेल। 

आजुक परिस्थिति जे सबहक लेल बेस व्यस्तताक जीवन अछि ६ दिन अनवरत रुपे कार्यालय आ तकरा बाद एक दिन रवि कऽ अवकाश, आ ताहि में दुनिया भरिक काज सर-कूटुम, नेना-बच्चा, डागदर-बॅध, पूजा-पाठ बजार-हाट, अगरम-बगरम........ नाना तरहक काज। जानि ने रवि कोना बिति जाइ छॅ, मुदा काजक क्रम बँचले रहि जाइत अछि। एहन स्थिति में जऽ लोक समय सँ काज के वर्गीकरण नहि करत तऽ बुक्षु जे सब काज ओझरा जॅत। अहि सब समस्या के देखॅत समिति एकटा ठोस कदम उठेलक आ बॅसार के समय सीमा में बान्हि देलक। निश्चित रुप सँ अहि में सब सदस्य के असाधारण सहयोग रहल आ बॅसार पहिल एहन बॅसार जे अपन समय सँ समापन भेल। इ छल अहि बॅसारक मुख्य विशेषता।

समिति अध्यक्ष श्री कालीकांत मिश्र जीक अध्यक्षता में बॅसार आरंभ भेल। तकरा बाद सचिव श्री शिवचन्द्र झा अहि बॅसारक मुख्य उद्धेश्य पर प्रकाश दॅत कहला जे अहि तरहक बॅसार सँ सब सदस्य कें अपन समिति-परिवारक संग आपसी भेंट-घांट होइत छनि जहि सँ समाजिक संबंध के बेस बल भॅटॅत अछि आ तहने आपसी विचारक आदान-प्रदान होइत अछि जाहि सँ बहराइत अछि क्रियात्मक आ रचनात्मक निर्णय जे समितिक उद्धेश्यक पुर्ति में सहायक होइत अछि।

बॅसार में मुख्य रुप सँ निम्न विषय पर विशेष चर्चा कएल गेल आ निर्णय लेल गेल जे- 

१. समितिके जमिन किनए में जे  उधारी लेबए परल तकरा चुकता करबाक लेल सब सदस्य सँ व्यक्तिगत ऋण  दऽ ओकर भरपाइ कएल जाय। तत्पश्चात जेना जेना समितिक कोष में टाका आऑत सबके चुकता कएल जॅत।

२.सदस्यता अभियान, समितिक अर्थिक मजगुती आ जन संपर्क बनेबाक उद्धेश्य सँ किछु सदस्यक एकटा फराक दलक निर्माण भेल जे प्रत्येक रवि कऽ बेरुपहर ११ः०० बजे सँ ०१ः०० बजे धरि रिषराक विभिन्न क्षेत्र में भ्रमण करता।

३. यथा शिघ्र जमीन के छाई/माटि वा राबीस सँ भेरेबाक लेल कोषक निर्माण।

४. सचिव श्री शिव चन्द्र झा द्वारा सब सदस्य सँ ३० अप्रील आ १ मई २०१६ कऽ उक्त जमीन पर भव्य कार्यक्रमक योजना बनेबाक विचार व्यक्त केलनि।

बॅसार में उपस्थित रहॅथ- सर्वश्री काली कान्त मिश्र, शिवचन्द्र झा, अरुण कुमार सिंह, भवनाथ झा, प्रभाकर झा, भुवनेश्वर झा, नरेश झा, जय कुमार मिश्र, बद्रीनाथ झा, नरेश मिश्र, रंजीत कुमार झा, शॅलेन्द्र ठाकुर, अरविंद झा, श्रवण झा आ बेदानन्द झा।

किछु सदस्य अनुपस्थित रहॅथ भरिसक व्यक्तिगत काजक ओझराहट रहल हेतॅनि, मुदा आशा करॅ छी जे ओहो लोकनि समितिक सत्र २०१५-१६ केर तेसर मासिक बॅसार दिनांक २५/१०/२०१५, रविदिन सांझ ६ः०० बजे सँ ८ः०० बजे धरि में निश्चित रुपे आबि अपन समाजिक उतरदायित्वक निर्वाह करता आ हमरा लोकनि सब गोटे मिलि कऽ समाज में नव-चेतना अनबाक लेल प्रयासरत रहब।

रीपोर्ट- मिथिला नव-चेतना समिति

आमंत्रण २७ सेपटेम्बर, २०१५ सायं ६ बजे सँ ८ बजे धरि

मोन त् हेबॅ करत, तॅयो पुनः सब गोटे के मात्र अख्यास परेबाक उद्धेश्य सँ "सत्र २०१५-१६ केर द्वितिय मासिक आम बॅसार" में अपनेक आमंत्रण, नीवेदन आ अपेक्षा

========================================================================

समितिक मासिक आम बॅसार आगामि रविदिन दिनांक २७/०९/२०१५ सायं ६  बजे सँ ८ बजे धरि रुपश्री बांगला (खाबार घरक उपरका तल्ला पर) निर्धारित अछि।

समितिक सब सदस्य सह समाजक प्रति अपन दायित्व आ कर्तव्यनिष्ठ व्यक्तित्व  के अहि बॅसारक हकार अछि। समिति अपने सब गोटे सँ अहाँक बहुमुल्य समय सँ कने काल अजबाइर कऽ उक्त बॅसार में अपनेक गरिमामय उपस्थितिक अपेक्षा रखॅत अछि। अपने अपन उत्तम विचार आ सुक्षाव सँ समितिक परिकल्पना के साकार करी।

(ज्ञातव्य हो जे मासिक बॅसार प्रत्येक मासक अंतिम रवि कऽ निर्धारित कएल गेल अछि। उक्त बॅसारक उद्धेश्य अछि समिति सँ जुरल कोनो तरहक उपराग, सुझाव, सुचना, अग्रिम कार्य-कलापक विस्तरपुर्वक मंथन आ  उपयुक्त निर्णय।)

प्रथम मासिक बॅसार- अगस्त १५ (३० अगस्त २०१५) केर रीपोर्ट

प्रथम मासिक बॅसार (सत्र १५-१६)

दिनांक- ३०/०८/२०१५                                                               समयः सायं ५ बजे

दिनांक ३० अगस्त २०१५, रविदिन सांय ५ बजे सऽ "रुपसी बांगला"- खाबर घरक चारिम तल्ला पर  कार्यकारिणि समितिक बॅसार भेल। बॅसारक अध्यक्षता श्री कालीकान्त मीश्र जी कएलनि। उक्त बॅसार में "चेतना समारोह-२०१५ केर विस्तार सऽ समिक्षा कएल गेल। तकरा बाद समारोहक आय-व्ययक ब्यॉरा देल गेल। समितिक अग्रिम कार्य आ विकाशक लेल सब सदस्य अपन-अपन वक्तव्य रखलनि। बॅसारक क्रम में कोषाध्यक्ष श्री रंजीत कुमार झा जिक प्रस्ताव जे समितिक बॅसार नियमित रुप सऽ भेला पर सब तरहक वाद-विवादक निपटारा आ संस्थाक विकाशक लेल उचित मार्गदर्शन भेटॅत रहॅत छॅ। तॅं प्रत्येक मासक अंतिम रविदिन कऽ सायं ६ बजे सऽ रात्रि ८ बजे धरि बॅसारक आयोजन हेबाक चाहि। अहि प्रस्ताव के उपस्थित सब सदस्य स्वागत कएलनि आ आगामि २७ सेपटेम्बर २०१५ रविदिन सायं ६ बजे सऽ रात्रि ८ बजे धरि उक्त स्थान पर बॅसारक निर्णय लेल गेल। उक्त बॅसार में उपस्थित छलाह- सर्वश्री  कालीकान्त मिश्र, शिव चन्द्र झा, भुवनेश्वर झा, अरुण कुमार सिंह, भवनाथ झा, प्रभाकर क्षा, जय कुमार मिश्र, बद्रीनाथ झा, अरविंद झा, श्रवण झा, सुरेन्द्र भंडारी, शॅलेन्द्र ठाकुर, सुमन कुमार दास, नरेश मिश्र, नरेश झा, रंजीत कुमार झा आ अन्य सदस्य।

समितिक सदस्य लोकनि सऽ आग्रह जे समितिक विषय में कोनो तरहक वाद-विवाद सऽ बांचि। वाद-विवादक लेल नियमित रुप सऽ बॅसारक आयोजन होइत रहत जाहि में अपने अपन सब तरहक बात के राखि सकब। संगहि जऽ कोनो सदस्य के समितिक लेल कोनो तरहक सुक्षाव, सलाह वा उपराग अछि तऽ निस्सन्देह समितिक अध्यक्ष, सचिव वा सलाहकार समितिक कोनो सदस्य के सुचित करी, समिति अहांक गप्पक गंभिरता पर विचार कऽ विशेष बॅसारक आयोजन करत आ उचित निर्णय लेल जाएत।

समिति अपन प्रत्येक कार्यक लेल पारदर्शी अछि। कोनो सद्स्य के जऽ कोनो तरहक जानकारी चाही तऽ समितिक सचिव के लिखित रुपे वा समितिक मेल पर आवेदन करी।

विशेषः-  समितिक मासिक बॅसार में समस्त सदस्य के समय सऽ उपस्थिति प्रार्थनिय अछि ।